टो लाम पुनः भियतनामको कम्युनिस्ट पार्टी महासचिव

भियतनामका नेता टो लाम शुक्रबार आफ्नो सत्तारूढ कम्युनिस्ट पार्टीको महासचिवका रूपमा पुनः निर्वाचित हुनुभएको छ । यो निर्णय राष्ट्रिय पार्टी काङ्ग्रेसको समापनमा भएको हो, जसमा देशको सबैभन्दा महत्त्वपूर्ण राजनीतिक तथा आर्थिक दिशानिर्देश तय गरिएको थियो ।

उहाँ यसै सन्दर्भमा राष्ट्रपति हुनुहुनेछ कि भन्ने विषयमा कुनै घोषणा गरिएको छैन । यदि लामले दुवै पद सम्हाल्नुभयो भने उहाँ चिनियाँ नेता सी जिनपिङजस्तै दशकौँसम्म देशका सबैभन्दा शक्तिशाली नेता बन्न सक्नुहुनेछ ।