अनशनसँगै आम्दानी पनि चर्चामा, सोनम वाङचुकको युट्युबबाट मासिक ७ लाखसम्म कमाइ

काठमाडौं । वातावरण अभियन्ता, आविष्कारक तथा शिक्षा सुधारक सोनम वाङचुक पछिल्ला दिनमा पुन: चर्चामा छन् । नयाँ दिल्लीमा उनले सुरु गरेको अनशन र त्यससँग सम्बन्धित घटनाक्रमले चर्चा पाएसँगै उनको व्यक्तिगत जीवन, आम्दानीका स्रोत र आर्थिक गतिविधिबारे पनि धेरैको चासो बढेको छ ।

वाङचुकले ‘Wangchuk's World’ नामक युट्युब च्यानल सञ्चालन गर्दै आएका छन् । विभिन्न सार्वजनिक तथ्यांकका आधारमा गरिएको अनुमानअनुसार उक्त च्यानलबाट उनले मासिक करिब ३ लाखदेखि ७ लाख रुपैयाँसम्म आम्दानी गर्ने गरेका छन् । वास्तविक आम्दानी भने भिडियोको भ्युज, विज्ञापन दर, दर्शकको भौगोलिक स्थान तथा अन्य व्यावसायिक पक्षका आधारमा फरक हुन सक्छ ।