वर्षाले धानबालीमा क्षति, भित्र्याउन नपाउँदै खेतमै उम्रिन थाल्यो

केही दिनदेखि परेको वर्षाले चितवनका विभिन्न क्षेत्रमा लगाएको धानबालीमा क्षति पुर्याएको छ । पूर्वी चितवन र भरतपुरका केही स्थानमा किसानले काटेर खेतमा सुकाएका धान थन्क्याउन पाएका छैनन् ।

धान थन्क्याउने समयमा पानी पर्दा दुई प्रतिशतको हाराहारीमा क्षति पुगेको कृषि ज्ञान केन्द्र चितवनका कृषि अधिकृत उमराज अर्यालले जानकारी दिए । ‘अहिले नै पानीले त्यति ठूलो क्षति पुर्याएको छैन’, उनले भने, अझै केही दिन पानी पर्ने हो भने यहाँ समस्या हुन्छ ।’ उनका अनुसार चितवनमा एक सातापछि अधिकांश स्थानमा लगाएको धान काट्न सुरु हुन्छ ।