डेंगुको आक्रामक फैलावट

उच्च ज्वरो आउनु, टाउको र आँखाको गेडी दुख्नु, जोर्नी र मांसपेशी दुख्नु, खान मन नलाग्नु तथा बान्ता हुनु, शरीरमा ससाना राता बिमिरा देखिनु यसका प्रारम्भिक र क्लासिकल लक्षण हुन्।

चिसो सुरु भइसकेको छ। तर, केही दिनअघिसम्म पनि डेंगु संक्रमित बिरामी अस्पताल आउने क्रम जारी थियो। यो रोगले गत वर्ष काठमाडौंमा महामारीको रूप लिएको थियो। यो वर्ष धरानलाई एपिसेन्टर बनाउँदै हजारौंलाई संक्रमित र कैयनलाई मृत्युवरण गर्नुपर्ने अवस्था निम्त्यायो। यी दुई फरक सहर तर एकपछि अर्को वर्ष देखिएको महामारी १९ वर्षे डेंगु इतिहासमा कडा स्वरूपमा प्रस्तुत भएको थियो।