प्यारामाउन्ट–वार्नर ब्रदर्स विलय सम्झौतामाथि अमेरिकी अदालतले लगायो अस्थायी रोक

वाशिङटन डीसी । अमेरिकाको एक संघीय अदालतले करिब ११० अर्ब डलर मूल्यको प्यारामाउन्ट स्काइडान्स र वार्नर ब्रदर्स डिस्कभरीबिच प्रस्तावित विलय सम्झौतामा अस्थायी रोक लगाएको छ ।

यो निर्णय क्यालिफोर्निया र न्युयोर्कसहित १२ अमेरिकी राज्यले दायर गरेको मुद्दापछि आएको हो । ती राज्यहरूले उक्त विलयले प्रतिस्पर्धा घटाउने र उपभोक्तामाथि आर्थिक भार बढाउने भन्दै सम्झौता रोक्न माग गरेका थिए ।