भारतको संसद् नजिकैबाट हजारौँ युवायुवतीले मोदी सरकारलाई दिएको चुनौती

भारतको राजधानी दिल्लीको मध्यभाग सोमवार बिहानदेखि तनावग्रस्त रह्यो। कनट प्लेस, जनपथ र जन्तरमन्तरसहितका क्षेत्रमा जहाँ हेरे पनि हजारौँ युवाको घुँइचो मात्र देखिन्थ्यो।

धेरै स्थानमा मेट्रो स्टेशन र सडक बन्द थिए। तर ती युवाहरू सबै अवरोध छिचोल्दै बिहानदेखि नै जन्तरमन्तर पुग्ने प्रयासमा जुटेका थिए।