‘जेनजी’ प्रदर्शनबारे भारतीय सञ्चारमाध्यमले फैलाएका ‘प्रोपोगान्डा’

काठमाडौं । नेपालमा सामाजिक सञ्जाल प्रतिबन्ध र भ्रष्टाचारविरुद्ध गएको भदौ २३ र २४ मा देशव्यापी ‘जेनजी’को प्रदर्शन भयो । १२ गते सुरक्षाबलहरूले अश्रुग्यास, पानीको फोहरा र गोली प्रहार गरे । प्रहरीले अश्रुग्याससहित गोली प्रहार गरेपछि स्थिति हिंसात्मक बनेको थियो । जिल्ला प्रशासन कार्यालय काठमाडौंले नयाँ बानेश्वर क्षेत्रमा सोमबार दिउँसो १२ः३० बजेबाट राति १० बजे सम्म कर्फ्यु जारी गरेको थियो । यो कदम संसद् भवनमा सुरक्षा घेरा तोड्दै प्रदर्शनकारीहरू प्रवेश गरेपछि उठाइएको थियो ।

सरकारले अत्यधिक बल प्रयोग गर्दा त्यसदिन १७ जनाको युवाहरूको मृत्यु भयो । सुनसरीको इटहरीमा प्रहरीको गोली लागेर दुईजना र झापाको दमकमा एकजनाको मृत्यु भयो । यो घटनापछि सरकारले सामाजिक सञ्जालमाथिको प्रतिबन्ध हटाए भने गृहमन्त्री रमेश लेखकले राजीनामा दिए ।