नेपाल संस्कृत विश्वविद्यालयको जमिन अतिक्रमित

दाङ। दाङको बेलझुण्डीस्थित नेपाल संस्कृत विश्वविद्यालयको नाममा रहेको ठुलो परिमाणको जग्गा अतिक्रमणमा परेको पाइएको छ । विश्वविद्यालयको देउखुरी क्षेत्रमा रहेको एक हजार ३३७ बिघा जग्गामध्ये ४०८ बिघा जग्गामा मोही रहेको तथ्य फेला परेको विश्वविद्यालयका कूलसचिब माधव अधिकारीले जानकारी दिए ।

कूलसचिब अधिकारीका अनुसार लमही नगरपालिका–सतबरियामा अतिक्रमित १६८ बिघा जग्गामध्ये ८३ बिघा जग्गामा मोही रहेको छ । त्यसैगरी राजपुर गाउँपालिकाको गङ्दी र दूलैयामा रहेको एक हजार १३२ बिघा जग्गामध्ये ३०६ बिघा जग्गामा मोही रहेको पाइएको छ । गढवा गाउँपालिकाको गोबरहियामा रहेको ३६ बिघा जग्गामध्ये १८ बिघा जग्गामा पनि मोही लगिएको छ ।