६ महिनामा ६९ जिल्लामा फैलियो डेंगु : ४ हजार २८९ जनामा संक्रमण, सातको मृत्यु

खासगरी बर्खामा देखिने डेंगु जनवरीयता ६ महिनामा ६९ जिल्लामा फैलिएको छ । यस अवधिमा चार हजार दुई सय ८९ जनामा डेंगु संक्रमण भएको छ । जसमा सातको मृत्यु भएको छ, उनीहरू सबै धरानका हुन् ।

इपिडिमियोलोजी तथा रोग नियन्त्रण महाशाखाको तथ्यांकअनुसार यसपालि बर्खायामको सुरुवातीमै डेंगु संक्रमण बढेको हो । गत वर्ष काठमाडौं उपत्यकामा प्रकोपको रूप लिएको संक्रमण हाल सबैभन्दा धेरै कोसी प्रदेशमा फैलिएको छ । जनवरीयता कोसी प्रदेशमा दुई हजार सात सय ५४, बागमतीमा ६ सय ६७, गण्डकीमा तीन सय ४४, सुदूरपश्चिममा तीन सय १६, लुम्बिनीमा एक सय ६६, मधेसमा २२ र कर्णाली प्रदेशमा २० जनामा संक्रमण देखिएको महाशाखाको तथ्यांक छ ।