तयारी पोसाक उद्योगको समस्या समाधान गर्न सरकार प्रतिबद्ध : प्रधानमन्त्री बालेन

काठमाडौँ- प्रधानमन्त्री वालेन्द्र शाह (बालेन) ले तयारी पोसाक उद्योगले भोगिरहेका समस्याहरु समाधानका लागि सरकार प्रतिबद्ध रहेको बताएका छन्।

प्रधानमन्त्री तथा मन्त्रिपरिषद्को कार्यालयमा मंगलबार नेपाल तयारी पोसाक उद्योग संघका पदाधिकारीहरूसँग छलफल गर्दै प्रधानमन्त्री शाहले उद्योगले भोगिरहेका समस्या समाधान र उत्पादन तथा निर्यात प्रवर्धनलाई सरकारले प्राथमिकतामा राखेको बताएका हुन्। प्रधानमन्त्री शाहले तयारी पोसाक उद्योगको वर्तमान अवस्थाका बारेमा जानकारी समेत लिएको नेपाल तयारी पोसाक उद्योग संघका पशुपतिदेव पाण्डेले जानकारी दिए।