‘घरपरिवार हेर्ला भन्ने उमेरमा गइहाल्यो, सधैंका लागि…’

इटहरी । मध्यदिउँसो घामको चर्को रापले पोलिरहँदा मन भने त्यो भनेभन्दा बढी पोलेको छ । घरमा सहानुभूति दिन आइरहेका छन् एक, दुई गर्दै दर्जनौं मानिसहरू । मानिसलाई के थाहा ? सहानुभूतिले घाउलाई झनै पोल्छ भनेर ।

सुनसरीको बराहक्षेत्र नगरपालिका–११ (साविकको मधुवन गाविस १)का २६ वर्षीय राजेशकुमार स्वर्णकारको इजरायलको द्वन्द्वमा परी मृत्यु भएपछि अहिले परिवारजन विक्षिप्न बनेका छन् । राजेका बाबुआमासहित दाजुभाइदेखि छरछिमेकसम्म यतिबेला पीडादायी क्षणमा छन् । राजेशको मृत्यु भएको कल्पनाजस्तै लागे पनि तीतो यथार्थलाई स्वीकार गर्नुको विकल्प छैन ।