आयाक्समाथि लिभरपुलको सहज जीत

इंग्लिस क्लब लिभरपुलले आयाक्समाथि ३–० को सहज जीत निकालेको छ । च्याम्पियन्स लिगको समूह ए अन्तरको बुधबार राति जीत हासिल गर्दै लिभरपुलले प्रतियोगिताको नकआउट चरणमा स्थानमा सुनिश्चित गरेको हो ।

खेलको पहिलो हाफको अन्त्यतिर मोहम्मद शालाहले गोल गर्दै लिभरपुललाई अग्रता दिलाएका थिए । दोस्रो हाफको सुरुवातमा नै डार्विन नुनेजले टोलीको अग्रता दोब्बर बनाए । हार्भे एलियटले तेस्रो गोल थप्दै लिभरपुलको जीत सुनिश्चित गरे ।