ग्रीनल्यान्डमा दुई सैन्य अखडा खोल्दै अमेरिका

अमेरिकाले ग्रीनल्यान्डमा शीतयुद्धका बेला प्रयोग भएको सैन्य अखडा पुनःस्थापित गर्नुका साथै पूर्वी तटमा अर्को सैन्य अखडा स्थापना गर्ने तयारी गरेको छ।

डेनमार्क र ग्रीनल्यान्डसँग मंगलबार हुने सम्झौता अन्तर्गत अमेरिकाले दक्षिणी ग्रीनल्यान्डको नार्सार्सुआक र पूर्वी ग्रीनल्यान्डको मेस्टर्सभिगमा सैन्य उपस्थिति विस्तार गर्ने योजना बनाएको तीन अधिकारीको हवाला दिँदै रोयटर्सले जनाएको छ। मंगलबार हुने सम्झौताको पूर्णपाठ भने सार्वजनिक गरिएको छैन।