ला लिगा: मालोर्कामाथि एस्पान्योलको ३-२ को जित

काठमाडौँ । स्पेनीस ला लिगामा एस्पान्योलले घरेलु मैदानमा मालोर्कालाई ३-२ ले पराजित गरेको छ । नेपाली समयअनुसार मंगलबार बिहान १२ः २४ मा सुरु भएको खेलको पहिलो हाफमै एक खेलाडी गुमाए १० खेलाडीमा सीमित भएको एस्पान्योलले मालोर्काविरुद्ध ३-२ को जित हात पारेको हो ।

एस्पान्योलका लागि पेरे मिलाले २० औँ मिनेटमा पहिलो गोल गर्दै टोलीलाई अग्रता दिलाए । त्यसपछि ३४औँ मिनेटमा रोबर्टो फर्नान्डेजले गोल गर्दै अन्तर २–० बनाए । तर पहिलो हाफकै अतिरिक्त समयमा मिलाले रातो कार्ड खाँदा एस्पान्योल १० खेलाडीमा झर्‍यो ।