त्रिपुरेश्वरमा बस आगजनीबारे छानबिन गर्न २ समिति गठन

काठमाडौँ- सोमबार त्रिपुरेश्वरमा रोकिराखिएको बसमा भएको आगजनी गरेर आफू समेत जलेका चालकको घटना छानबिन गर्न दुई समिति गठन गरिएको छ। त्रिपुरेश्वरमा बा.५ ख ४२७४ नम्बरको बसमा चालकले आगजनी गरेका थिए। चालक समेत गम्भीर घाइते छन्।

घटनाको छानबिनका लागि जिल्ला प्रशासन कार्यालय काठमाडौंले सहायक प्रमुख जिल्ला अधिकारी कृष्णप्रसाद गैहेको संयोजकत्वमा सात सदस्यीय समिति गठन गरेको छ। यस्तै, उपत्यका प्रहरी कार्यालयले पनि एसएसपी रमेश बस्नेतको नेतृत्वमा पाँच सदस्यीय छुट्टै समिति गठन गरेको छ।