त्रिपुरेश्वर बस आगलागीमा घाइते चालकको उपचारका क्रममा मृत्यु

काठमाडौं — त्रिपुरेश्वरमा आगलागी भएको बसका चालकको उपचारका क्रममा मृत्यु भएको छ। प्रहरीका अनुसार आगलागीमा गम्भीर घाइते भएका चालकको कीर्तिपुरस्थित बर्न अस्पतालमा उपचारका क्रममा सोमबार राति नै मृत्यु भएको हो।

अस्पताल स्रोतका अनुसार चालकको शरीरको करिब ९० प्रतिशत भाग जलेको थियो। उनलाई सोमबार दिउँसो करिब १ बजे उपचारका लागि अस्पताल पुर्‍याइएको थियो।