जेनजी मुभमेन्ट अलायन्सका अगुवा विकास प्रगतिशील लोकतान्त्रिक पार्टीबाट चुनाव लड्दै

काठमाडौँ । जेनजी मुभमेन्ट अलायन्सका अगुवा विकास कामी प्रगतिशील लोकतान्त्रिक पार्टीबाट चितवन–१ क्षेत्रबाट चुनावी मैदानमा उत्रिने भएका छन् । शनिबार प्रगतिशील लोकतान्त्रिक पार्टीको जिल्ला एकता भेला तथा उम्मेदवार घोषणा सभामा उनलाई चितवन–१ बाट उम्मेदवार घोषणा गरिएको हो ।

उनले सामाजिक तथा आर्थिक न्यायको आन्दोलनलाई निरन्तरता दिन चुनावी मैदान रोजेको बताएका छन् । साथै, जेनजी आन्दोलनका संस्थागत तथा अन्य मुद्दाहरूको उठान र कार्यान्वयनका लागि पनि संसद् आवश्यक रहेको ठानेर चुनावी प्रतिस्पर्धा गर्ने निर्णय गरेको बताए ।