ट्रम्प र मेलोनीबीच किन भइरहेको छ तानातान ?

एजेन्सी । इटालीकी प्रधानमन्त्री जियोर्जिया मेलोनीसँग सम्बन्धित धेरै एआई (कृत्रिम बुद्धिमत्ता) मीमहरू अहिले सामाजिक सञ्जालमा भाइरल भइरहेका छन् । ती मीमहरूमा मेलोनीलाई ब्रेकअपपछि आफ्नो जीवन परिवर्तन गर्न खोजिरहेकी महिलाका रूपमा चित्रण गरिएको छ ।

एउटा एआई तस्वीरमा उनलाई नयाँ हेयरकटका साथ देखाइएको छ । अन्य तस्वीरहरूमा उनी एक्लै बिदा मनाउनका लागि यात्रा बुक गरिरहेकी, म्याराथनको अभ्यास गरिरहेकी तथा डेटिङ एपमा प्रोफाइल बनाइरहेकी देखिन्छिन् ।