चिनियाँ अनुदानको पर्खाइमा अलपत्र चक्रपथः कलंकी–बसुन्धरा खण्डमा यात्रुलाई सकस

काठमाडौँ । यतिबेला काठमाडौँ चक्रपथ सडक खण्ड भएर यात्रा गर्ने जो–कोहीले एउटै कुरा महसुस गर्छन्, चरम अस्तव्यस्तता र सकस ।

कलंकीदेखि बसुन्धरा, सुकेधारा हुँदै धोबीखोलासम्मको सडक खण्ड अहिले सडक होइन, झाडी र घाँसको मैदानजस्तो देखिन्छ । वर्षामा हिलोले सवारी गुड्न मुस्किल पर्छ, घाम लाग्दा धुलोले आकाशै छोप्छ । विस्तारका नाममा ८ वर्षदेखि लाखौँ नागरिकले यो सास्ती खेप्दै आएका छन् ।