विद्युत् महसुलमा भ्याट छुटको प्रचार भ्रामक, अध्ययन भइरहेको अर्थमन्त्रीको सचिवालयको स्पष्टोक्ति

काठमाडौँ – विद्युत् महसुलमा दिइँदै आएको भ्याट छुट फिर्ता गर्न सैद्धान्तिक सहमति भएको भन्दै अर्थमन्त्री डा. स्वर्णिम वाग्लेको नाम जोडेर गरिएको प्रचारप्रसारप्रति अर्थमन्त्रीको सचिवालयले गम्भीर ध्यानाकर्षण भएको जनाएको छ।

मन्त्रीका प्रमुख स्वकीय सचिव नवीन ढुङ्गानाले एक स्पष्टीकरण जारी गर्दै बाहिर प्रचार गरिएजस्तो अर्थमन्त्री वाग्लेले उक्त विषयमा छलफल गर्न आइतबार साँझ वा गएको साता कुनै पनि भेटघाट र छलफल नगरेको स्पष्ट पार्नुभएको छ।