जनचेतनाको अभावले पाँच वर्षमै क्यान्सरका बिरामी दोब्बर

काठमाडौँ। नेपालमा पछिल्लो पाँच वर्षको अवधिमा क्यान्सरका बिरामीको संख्या झण्डै दोब्बरले बढेको देखिएको छ। स्वास्थ्य सेवा विभागको सामाजिक सुरक्षा तथा नर्सिङ महाशाखाका अनुसार सरकारबाट उपचार खर्चबापत सहुलियत लिने क्यान्सरका बिरामीको संख्या आर्थिक वर्ष २०७७/७८ मा १५ हजार १८७ रहेकामा आर्थिक वर्ष २०८१/८२ मा बढेर २८ हजार ६७८ पुगेको छ।

महाशाखाकी निर्देशक हिरादेवी निरौलाले जनचेतनाको अभावका कारण क्यान्सरका बिरामी बढिरहेको बताउँदै यसबाट बच्न सरकार, नागरिक समाज र सरोकारवाला निकायले संयुक्त रूपमा जनचेतनामूलक कार्यक्रम सञ्चालन गर्नुपर्नेमा जोड दिइन्।