पर्सामा आन्दोलनबाट क्षति संरचनाको संख्यात्मक लगत खडा

वीरगन्ज । पर्साका ११ वटा सरकारी कार्यालय, ९ प्रहरीका बीट तथा चौकी र सातजना नेताका नीजि घरमा जेनजी आन्दोलनकारीको आवरणमा क्षति पु¥याएको तथ्याँक संकलन भएको छ । क्षतिग्रस्त संरचनाको संंख्यात्मत तथ्याँक अनुसार अरबौंको लागत नष्ट भएको प्रारम्भिक अनुमान गरिएको छ । तर लागतको विवरण भने पूर्ण रुपमा संकलन भई नसकेको पाइएको हो ।

मधेश प्रदेशको एक मात्र महानगरपालिका ‘वीरगन्ज’ मा नै दुईवटा नीजि सवारी सहित १८ वटा त सवारी साधन मात्र तोडफोड र आगजनीमा परी पूर्णरुपमा नष्ट भएको पर्सा प्रहरीले जनाएको छ । त्यसै गरी महानगरका मेयरको सचिवालय भवन सहित ७ वटा त भवनमा क्षति पुगेको भेटिएको छ । जसमा तीनवटा भवन त पूरै काम नलाग्ने गरी क्षति भएका छन् । यो सँगै नेपाल टेलिकम वीरगन्ज शाखा, आन्तरिक राजश्व कार्यालय वीरगन्ज, महानगरपालिकाको १० नंम्बर, १४ नम्बर, २६ नम्बर वडा कार्यालय, जिराभवानी गाउँपालिका कार्यालय, वीरगन्ज कारागार, बालसुधार गृह, पोखरिया नगरपालिका, उच्च अदालत जनकपुरको अस्थायी इजलास वीरगन्जमा पनि आन्दोलनकारीले तोडफोड र आगजनी गरी क्षति पु¥याएको जिल्ला प्रशासन कार्यालयले जनाएको छ ।