गण्डकीमा निवर्तमान स्वास्थ्य मन्त्री र स्वास्थ्य सचिवको ‘घूसकाण्ड’

पोखरा । बेड संख्या बढाएर अस्पतालको स्तरोन्नति गर्ने विषयमा घूसको बार्गेनिङ आरोपमा गण्डकी प्रदेशका निवर्तमान स्वास्थ्य मन्त्री लक्ष्मणबहादुर पाण्डे र स्वास्थ्य सचिव डा. युवानिधि बसौला मुछिएका छन् ।

पत्रकार अपिल त्रिपाठीले ‘गण्डकी छड्के’ युट्युब च्यानलमार्फत केही दिनअघि उक्त काण्ड सार्वजनिक गरेका थिए । घटनाको छानबिनका लागि गण्डकी प्रदेश सरकारले छानबिन समिति गठन गर्दै तत्कालका लागि स्वास्थ्य सचिवलाई जिम्मेवारीबाट हटाउने निर्णय गरेको छ । डा. बसौलालाई अर्को व्यवस्था नभएसम्मका लागि गण्डकी प्रदेश मुख्यमन्त्री तथा मन्त्रिपरिषद्को कार्यालयमा काजमा खटाउने प्रदेश सरकार मन्त्रिपरिषद्ले निर्णय गरेको हो ।