पोखरा राजस्व अध्ययन प्रतिवेदनः अघिल्लो वर्ष बढेको मालपोत शुल्क यो वर्ष लिँदा असन्तुष्टि बढ्यो

पोखरा महानगरपालिकामा आर्थिक चालु आर्थिक वर्ष ०८०/८१ को लागि ७ अर्ब १५ करोड १५ लाख रुपैयाँको बजेट प्रस्तुत गरियो। बजेटको स्रोतमध्ये आन्तरिक आयबाट २ अर्ब २७ करोड ८७ लाख रुपैयाँ प्राप्त हुने प्रक्षेपण थियो।

अघिल्लो वर्ष लक्ष्यअनुसारको राजस्व उठाउन असमर्थ महानगरले चालु वर्षको लागि झण्डै आधा घटाएर लक्ष्य निर्धारण गरेको थियो। ०७९/८० मा आन्तरिकतर्फ ४ अर्ब ३० करोड १५ लाख ५२ हजार रुपैयाँ राजस्व संकलनको लक्ष्य लिएको महानगरले जम्मा १ अर्ब १९ करोड ७१ लाख ९२ हजार मात्र उठाउन सकेको थियो।