शेयर बजारको अवरोध हट्यो, आजदेखि कारोबार सुचारु

काठमाडौं– नेपाल स्टक एक्सचेन्ज (नेप्से) मा आजदेखि नियमित धितोपत्र कारोबार पुनः सञ्चालन हुने भएको छ।

नेप्सेका ७२ कारोबार सदस्यको डाटा सेन्टरमा देखिएको प्राविधिक समस्या समाधान भएपछि असोज ६ गतेदेखि पूर्ववत् रूपमा कारोबार सञ्चालन गर्न लागिएको हो। नेप्सेका सूचना अधिकारी मुराहरी पराजुलीका अनुसार कारोबार सदस्यहरूको डाटा सेन्टरका रूपमा रहेको डाटा हब प्रालिमा देखिएको समस्या समाधान भएको जानकारी प्राप्त भएपछि कारोबार सञ्चालन गर्ने निर्णय गरिएको हो।