एसियाड महिला कबड्डीमा नेपालको रोमाञ्चक जित

काठमाडौँ । जापानमा जारी २०औँ एसियाली खेलकुदअन्तर्गत महिला कबड्डीमा नेपालले थाइल्यान्डमाथि रोमाञ्चक जित निकालेको छ । समूह ‘बी’ अन्तर्गत मंगलबार भएको आफ्नो पहिलो खेलमा नेपालले थाइल्यान्डलाई ४६–४३ अंकले पराजित गरेको हो ।

खेलको पहिलो हाफमा भने नेपाल १५–२४ अंकले पछि परेको थियो । थाइल्यान्डले सुरुवातदेखि नै आक्रामक खेल प्रस्तुत गर्दै नेपालमाथि ९ अंकको अग्रता बनाएको थियो ।