पुटिन अझैपनि युक्रेनको विषयमा वार्ता गर्न तयार छन् : रुसी विदेशमन्त्री लाभ्रोभ

मस्काे । रुसी विदेशमन्त्री सर्गेइ लाभ्रोभले रुसी राष्ट्रपति भ्लादिमिर पुटिन अझैपनि युक्रेनको विषयमा वार्ता गर्न तयार रहेको बताएका छन् ।

क्रेमलिन निकट न्युज आउटलेट रिया नोभोस्ती र आरटीले लाभ्रोभको भनाइ उद्धृत गर्दै बताएका छन्, "हामी पश्चिम जगतसँग तनाव घटाउनेबारे वार्ता गर्न तयार छौँ । रुसको नेतृत्व, विशेषगरी पुटिन अझै युक्रेनकाे बारेमा वार्ता गर्न तयार छन् । विगत छ महिनाभित्र अमेरिकीलगायत केही अन्य पश्चिमी सहकर्मीहरूले रुसी नेतासँग फोन वार्ता गर्ने पहल गरेका थिए । केही विदेश मन्त्रीहरूले पनि पुटिनसँग त्यस्तै प्रकारका अपिल गरेका थिए र उनले सदैव सकारात्मक प्रतिक्रिया व्यक्त गरेका थिए । बरु पुटिनले बारम्बार रुसले कहिल्यै पनि वार्ताको प्रस्ताव अस्वीकार नगरेको र नगर्ने बताउँदै आफ्ना पश्चिमी प्रायोजकहरूको प्रत्यक्ष निर्देशनमा युक्रेनले वार्ता अस्वीकार गरेको आरोप लगाएका थिए ।"