राजनीतिक कार्यक्रममा सहभागी शिक्षकमाथि कारबाही गर्न शिक्षा मन्त्रालयको निर्देशन

काठमाडौँ- शिक्षा तथा खेलकुद मन्त्रालयले राजनीतिक गतिविधिमा संलग्न हुने शिक्षकमाथि कानुनबमोजिम कारबाही गर्न निर्देशन दिएको छ।

सामाजिक सञ्जालमा शिक्षकहरू राजनीतिक दलका कार्यक्रममा सहभागी भएको विषय सार्वजनिक भएपछि शिक्षामन्त्री सस्मित पोखरेलले देशभरका विद्यालयमा शिक्षकहरूको राजनीतिक गतिविधिमाथि निगरानी बढाउन र संलग्न पाइए कारबाही प्रक्रिया अघि बढाउन निर्देशन दिएका छन्।