त्रिपुरेश्वर घटनापछि पूर्वमन्त्री श्रेष्ठको प्रश्न– ‘हामी कहाँ चुकिरहेका छौँ?’

पूर्वशिक्षामन्त्री सुमना श्रेष्ठले काठमाडौंको त्रिपुरेश्वरमा बसमा आगलागी हुँदा चालकको मृत्यु भएको घटनाप्रति सरकार र प्रणालीमाथि प्रश्न उठाएकी छन्। श्रेष्ठले सामाजिक सञ्जालमार्फत नागरिकले आफूलाई अत्यन्तै निराश, आक्रोशित र असहाय महसुस गर्ने अवस्था सिर्जना हुनु गम्भीर विषय भएको बताएकी हुन्।

उनले ट्राफिक नियम पालना गर्नुपर्ने विषयमा आफू सहमत भए पनि घटनालाई नियम उल्लंघन र कारबाहीको विषयमा मात्र सीमित गर्न नहुने बताएकी छन्।