सेप्टेम्बर २९ देखि बिक्री सुरु हुँदै हुन्डाईको नयाँ विद्युतीय कार आयोनिक भी

काठमाडौं- दक्षिण कोरियाली अटोमोबाइल कम्पनी हुन्डाईले चीनमै उत्पादन गरेको आफ्नो पहिलो विद्युतीय क्रसओभर आयोनिक भी आगामी सेप्टेम्बर २९ देखि चीनमा बिक्री सुरु गर्ने भएको छ।

हुन्डाईको चीनस्थित संयुक्त उपक्रम बेइजिङ हुन्डाईले चीनमा आयोनिक ब्रान्डअन्तर्गतको पहिलो मोडलका रूपमा आयोनिक भी सार्वजनिक गर्न लागेको हो। कम्पनीले यसको बुकिङ यसअघि नै खुलाइसकेको छ। आयोनिक भीको सुरुआती मूल्य १७ हजार ६०० अमेरिकी डलर तोकिएको छ। यो मोडल तीन भेरियन्टमा उपलब्ध हुनेछ।