शिक्षकको जिल्लान्तर सरुवा प्रक्रिया अघि बढ्यो

काठमाडौँ- शिक्षा विकास तथा समन्वय एकाइ, काठमाडौँले जिल्लान्तर सरुवाका लागि प्राथमिकतामा परेका दुई शिक्षकको नाम सार्वजनिक गर्दै तीन दिनभित्र दाबी विरोध पेस गर्न आग्रह गरेको छ।

एकाइले साेमबार सूचना जारी गर्दै शिक्षा नियमावली (दशौं संशोधन) को नियम ९९ अनुसार रिक्त दरबन्दीमा जिल्लान्तर सरुवाका लागि प्रकाशित विज्ञापनमा आवेदन दिएका शिक्षकहरूको प्राथमिकता निर्धारणपछि सम्बन्धित विद्यालय व्यवस्थापन समितिको निर्णय, शिक्षा विकास तथा समन्वय एकाइको सरुवा सहमति तथा दुवै पालिकाको सहमति प्राप्त भएकाले सरुवा प्रक्रियालाई अगाडि बढाइएको जनाएको छ।