मानसरोवर–कैलाश यात्रा : हिल्सा ‘ट्रान्जिट हब’ बन्दै

६ असोज, सुर्खेत । नेपालको उत्तरी नाका हुम्लाको हिल्सा पछिल्लो समय पुनः चर्चामा आएको छ । रसुवागढी–केरुङ र तातोपानी नाकामा अवरोध आएपछि मानसरोवर–कैलाश यात्रामा रहेका भारतीय पर्यटकका लागि हिल्सा वैकल्पिक मार्ग बनेसँगै यस ठाउँको महत्त्व ह्वातै बढेको हो।

भोटेकोशीमा आएको बाढीपछि केरुङ र तातोपानी नाका प्रभावित हुँदा तिब्बत पुगिसकेका १५० भन्दा बढी भारतीय पर्यटक हिल्सा हुँदै नेपाल फर्किएका छन् । उनीहरू हिल्साबाट सिमकोट पुगेपछि हवाईमार्गबाट नेपालगञ्ज हुँदै गन्तव्यतर्फ लागेका हुन्।