बाढीले क्षतिग्रस्त धादिङका ७ झोलुङ्गे पुलको पुनर्निर्माण सुरू

धादिङ : भोटेकोसी नदीमा आएको बाढीले धादिङका २५ वटा झोलुङ्गे पुलमा क्षति पुर्‍याएपछि सस्पेन्सन ब्रिज डिभिजनले पहिलो चरणमा सातवटा पुलको पुनर्निर्माण तथा मर्मत सुरू गरेको छ।

बाढीका कारण पुलमा क्षति पुगेपछि नदी तथा खोलापारिका बस्तीका नागरिकको आवतजावत प्रभावित बनेको थियो। विद्यालय जाने विद्यार्थी,स्वास्थ्य सेवा लिन जाने नागरिक तथा किसानले आफ्ना उत्पादन बजारसम्म पुर्‍याउनसमेत समस्या भोग्दै आएका छन्।