लमजुङको क्व्होलासोथार अस्पताल : पाँच वर्षमा १३ प्रतिशत काम

लमजुङ– लमजुङ क्व्होलासोथार गाउँपालिका–९ गिलुङमा १५ शय्याको आधारभूत अस्पताल निर्माणका लागि सम्झौता भएको पाँच वर्ष बितिसक्दा पनि १३ दशमलव ३७ प्रतिशत काम भएको छ ।

दुई वर्षभित्र निर्माण सम्पन्न गर्नेगरी २०७८ साल साउन १९ गते निर्माण सम्झौता भएको थियो । अस्पताल निर्माणको काम २०८१ साल असारदेखि रोकिएको छ । काम रोकिए पनि पटकपटक थपिँदै आएको छ । पछिल्लो पटक गत भदौमा तीन महिनाका लागि म्याद थप गरिएको गाउँपालिकाले जनाएको छ ।