रोमाञ्चक खेलमा दिल्लीले १ विकेटले हरायो लखनउलाई

विशाखापटनम । निकै सनसनीपूर्ण खेलमा दिल्ली क्यापिटल्सले इन्डियन प्रिमियर लिग (आईपीएल) को चौथो खेलमा लखनउ सुपर जायन्ट्सलाई १ विकेटले पराजित गरेको छ । सोमबार भएको खेलमा लखनउले प्रस्तुत गरेको २ सय १० रनको लक्ष्य दिल्लीले ३ बल बाँकी छँदा ९ विकेटको क्षतिमा पछ्यायो ।

खेलमा दिल्लीको सुरुवात भने राम्रो हुन सकेन । टोलीले दोस्रो ओभरमा ७ रनमा ३ विकेट गुमाइसकेको थियो । तर, त्यसपछि पुनरागमन गर्दै टोलीले रोमाञ्चक जित हात पार्न सफल भयो ।