दर्ता नभएका औषधि बिक्री रोक्न आयुर्वेद चिकित्सा परिषद्को अनुरोध

काठमाडौं । आयुर्वेद चिकित्सा परिषद् नेपालले दर्ता नभएका औषधिको बिक्री–वितरण तथा विभिन्न रोग निको पार्ने भन्दै गरिने भ्रामक विज्ञापन र प्रचारप्रसार नगर्न सम्बन्धित पक्षलाई आग्रह गरेको छ।

परिषद्ले जारी गरेको सूचनामार्फत क्यान्सर, पाइल्सलगायत विभिन्न रोग निको पार्ने दाबी गर्दै औषधिको प्रचार गर्ने तथा जटिल रोगको उपचारमा शतप्रतिशत निको हुने र निको नभए पैसा फिर्ता गर्ने जस्ता भ्रामक दाबीप्रति ध्यानाकर्षण गराएको हो।