जटिल बन्दै मध्यपूर्वको तनाव, अमेरिकाले द्वन्द्व चर्काए ‘युद्धको भूगोल बदल्ने’ इरानको चेतावनी

इरानको रिभोलुसनरी गार्डले सोमबार अमेरिकाले द्वन्द्वलाई थप बढाएमा युद्धको ‘भूगोल परिवर्तन’ गर्ने जनाएको हो । यद्यपि, उसले त्यसका लागि अपनाइने सम्भावित कदमबारे थप विवरण सार्वजनिक गरेको छैन ।

यसैबीच, बेलायती सेनाका अनुसार सोमबार स्ट्रेट अफ होर्मुजमा प्रवेश गर्ने क्रममा एउटा ट्यांकरमा अज्ञात प्रक्षेप्यास्त्र प्रहार भएको छ । उक्त घटनामा ट्यांकरका दुई जना चालकदलका सदस्य घाइते भएका छन् ।