अमेरिकी टेलिभिजन च्यानलले ट्रम्पको प्रत्यक्ष प्रसारण रोके, ह्वाइट हाउसले ‘ट्रम्प टीभी’ सुरु गर्‍यो

वासिङ्टन (एएफपी)- अमेरिकाका ठूला टेलिभिजन च्यानलहरूले राष्ट्रपति डोनाल्ड ट्रम्पका कार्यक्रमको साझा प्रत्यक्ष प्रसारण रोक्ने निर्णय गरेका छन्। ह्वाइट हाउसले सीएनएन, एमएस नाउ र पोलिटिकोका पत्रकारलाई प्रवेशमा प्रतिबन्ध लगाएपछि यस्तो निर्णय गरिएको हो।

फक्स न्युजका वासिङ्टन ब्युरो प्रमुख ब्रायन बोटनले सोमबार अबदेखि साझा व्यवस्थाअन्तर्गत पर्ने राष्ट्रपतीय कार्यक्रमको भिडियो कभरेज नगरिने जानकारी दिएका छन्।