युवातर्फ मोडिँदै कांग्रेस नेतृत्व

नेपाली कांग्रेसको वडा अधिवेशनमा यसपटक एउटा फरक दृश्य देखियो-वडाको नेतृत्वका लागि पुरानो पुस्ताभन्दा युवा पुस्ताबिच नै प्रतिस्पर्धा।

वीरेन्द्रनगर नगरपालिका-३ मा वडा सभापतिमा युवा नेता सरस्वती थापा चयन हुनु त्यसैको एउटा उदाहरण हो। उनीसँग वडाध्यक्षका लागि प्रतिस्पर्धा गर्नेहरू पनि अधिकांश युवा पुस्ताकै थिए। दैलेखको नारायण नगरपालिका-२ मा पनि वडा नेतृत्व युवाकै हातमा पुगेको छ। विद्यार्थी राजनीतिबाट कांग्रेसको संगठनमा सक्रिय हुँदै आएका युवा नेता धुव्रविक्रम थापा वडा सभापति बनेका छन्।