वीर अस्पतालमा टोमोथेरापी सेवा अवरुद्ध हुने जोखिम: २० करोड भुक्तानी नपाएपछि आपूर्तिकर्ता कम्पनी पुग्यो मन्त्रालय

काठमाडौं- देशकै ठूलो र जेठो वीर अस्पतालमा क्यान्सरका बिरामीका लागि सञ्चालनमा रहेको अत्याधुनिक 'टोमोथेरापी' प्रणालीको सेवा जुनसुकै बेला अवरुद्ध हुनसक्ने जोखिम बढेको छ।

वीर अस्पतालले विगत तीन वर्षदेखि मेसिन आपूर्तिको रकम भुक्तानी नगरेपछि आपूर्तिकर्ता कम्पनीले आर्थिक संकटमा परेको भन्दै टोमोथेरापी मेसिनमा कुनै प्राविधिक खराबी वा ब्रेकडाउन भएमा त्यसबाट हुने सेवा अवरोध तथा खर्चको जिम्मेवारी कम्पनीले लिन नसक्ने स्पष्ट पारेको छ।