नेकपाको कार्यसंयोजन समितिको बैठक सुरु

​काठमाडौं । नेपाली कम्युनिस्ट पार्टी (नेकपा)को केन्द्रीय कार्यसंयोजन समितिको बैठक सुरु भएको छ । पार्टी केन्द्रीय कार्यालय पेरिसडाँडामा सुरु भएको बैठकमा पार्टीको आन्तरिक संगठन र देशको पछिल्लो समसामयिक विषयमा छलफल हुने नेकपाका प्रवक्ता प्रकाश ज्वालाले जानकारी दिए ।

बैठकमा रसुवा तथा भोटेकोसी क्षेत्रमा गएको बाढीपहिरोपछिको अवस्था, पीडितको उद्धार, राहत र पुनर्स्थापनाका लागि सरकारले गरेका कामको समीक्षा गरिने छ । साथै, प्रभावित क्षेत्रमा थप राहत र क्षतिपूर्तिका लागि सरकारको ध्यानाकर्षण गराउँदै सुझावपत्र बुझाउने तयारीसमेत पार्टीको छ ।