मुख्य सामग्रीमा जानुहोस्

समाचार

स्वास्थ्य

जनकपुरमा शहरी स्वास्थ्य केन्द्र बढाइँदै

abhiyandaily.com

जनकपुर । नागरिकको स्वास्थ्य उपचारमा सहजता प्रदान गर्ने उद्देश्यले जनकपुरधाम उपमहानगरपालिकाका नगरक्षेत्रका विभिन्न ११ ओटा वडामा शहरी स्वास्थ्य केन्द्र स्थापना गरिने भएको छ । नगरवासीको स्वास्थ अवस्थामा सुधार ल्याउने र सबै नागरिकको स्वास्थ्यमा सहज पहुँच पुर्‍याउने नीति तथा योजनाअन्तर्गत उपमहानगरपालिकाले वडा नं ७, १२, १३, १४, १५, १८, १९, २०, २२, २३ र २४ मा सहरी स्वास्थ्य केन्द्र स्थापना गर्न लागेको हो । विस्तार गर्न लागिको शहरी स्वास्थ्य केन्द्रका लागि भवन निर्माणको काम तीव्र रूपमा भइरहेको उपमहानगरपालिकाका इञ्जिनीयर राकेशकुमार यादवले जानकारी दिए । उनका अनुसार भ्याटसहित कुल चार करोड ४७ लाख २९ हजार रुपैयाँमा ११ ओटै वडाको स्वास्थ्य केन्द्र भवन निर्माणको काम अन्तिम चरणमा पुगेको छ । रासस

स्रोतमा पूरा पढ्नुहोस् (abhiyandaily.com)