रुसको धम्कीबीच लिथुआनिया ‘प्रतिरोध गर्न’ तयार

काठमाडौं । लिथुआनियाका प्रधानमन्त्रीले रुसबाट उत्पन्न हुन सक्ने खतरालाई ध्यानमा राख्दै आफ्नो देशले नागरिकलाई सुरक्षित स्थानमा लैजाने योजना बनाएको बताएका छन् । तर, आक्रमण भएमा लिथुआनिया आत्मसमर्पण नगर्ने र प्रतिरोधमा उत्रिने उनले स्पष्ट पारेका छन् ।

प्रधानमन्त्री माइन्डाउगास सिन्केभिसियसले बीबीसीको ‘न्युज नाइट’ कार्यक्रममा लिथुआनियाली नागरिकले रुसबाट आफूहरूलाई ‘लगातार खतरा’ महसुस गरिरहेको बताएका छन् । यसको एउटा कारण लिथुआनियाको हवाई क्षेत्रमा प्रवेश गर्ने ड्रोनहरू रहेको उनले बताए ।