महिलाले मान्छे भएर बाँच्न पाउने अधिकारका लागि लडेकी सहाना

नेपाली महिला आन्दोलनकी शिखर व्यक्तित्व, वाम–प्रजातान्त्रिक आन्दोलनकी अग्रणी नेता, सामाजिक रूपान्तरण, सामाजिक न्याय र लोकतान्त्रिक शासन प्रणालीको स्थापनाको संघर्षकी साहसी योद्धा हुनुहुन्छ— स्व. कमरेड सहाना प्रधान।

मेरो राजनीतिक जीवनको पूर्वार्द्धमा जब म अनेरास्ववियुको केन्द्रीय महिला विभाग प्रमुख भएँ, तब समाज, आन्दोलन र पुस्ता जोड्ने उद्देश्यले र कमरेड सहाना प्रधानको जीवनको उत्तरार्द्धमा सघन संगत गर्ने मौका पाएँ।