अर्थतन्त्र सुस्ताउँदा पनि चीनको प्राथमिकतामा एआईमा लगानी

६ असोज, काठमाडौं । चीनको घरेलु अर्थतन्त्रमा माग कमजोर देखिइरहेका बेला सरकारले आर्टिफिसियल इन्टेलिजेन्स (एआई) र त्यसका लागि आवश्यक पूर्वाधारमा ठूलो लगानी अघि बढाइरहेको छ। चीनको अर्थतन्त्रमा घरजग्गा क्षेत्रको कमजोरी, निजी लगानीमा गिरावट र उपभोक्ता माग सुस्त देखिएको छ। त्यसमाथि युवाको बेरोजगारी पनि उच्च छ।

अगस्टमा १६ देखि २४ वर्ष उमेर समूहका, विद्यार्थीबाहेकका युवाको सहरी बेरोजगारी दर १८.९ प्रतिशत पुगेको राष्ट्रिय तथ्यांक ब्युरोले जनाएको छ। यो जुलाईको १७.९ प्रतिशतभन्दा बढी हो।