एमालेमा ३८ वर्ष बिताएकोमा पछुतो मान्दै उमेशले तोडे पार्टीसँगको आवद्धता

नेकपा एमाले इलामका नेता उमेश गुरुङले झण्डै ३८ वर्ष लामो एमालेसँगको राजनीतिक यात्रा टुंग्याएका छन्। पार्टी नेतृत्वप्रति लामो समयदेखि प्रश्न उठाउँदै आएका गुरुङले मंगलबार सामाजिक सञ्जालमार्फत एमालेको प्रदेश कमिटी सदस्य र साधारण सदस्यसमेत नरहने घोषणा गरेका हुन्।

गुरुङले ‘मनभित्र नअटेका कुराहरू’ शीर्षकमा लामो स्टाटस लेख्दै आफ्नो राजनीतिक यात्राका उतारचढाव, पार्टीका लागि गरेको योगदान, भोगेका संघर्ष तथा पछिल्लो समय पार्टीभित्र आफूले अनुभव गरेको उपेक्षाबारे उल्लेख गरेका छन्।