‘हामी माग्न होइन, देशलाई दिन आएका हौँ’ : एनआरएनए उपाध्यक्ष रोजिना प्रधान

काठमाडौँ । गैरआवासीय नेपाली संघ (एनआरएनए) की उपाध्यक्ष रोजिना प्रधानले गैरआवासीय नेपालीहरू स्वदेशमा केही माग्न नभई योगदान दिन आएको बताएकी छन् ।

रिपोर्टर्स क्लब नेपालमा आयोजित साक्षात्कार कार्यक्रममा बोल्दै उपाध्यक्ष प्रधानले विदेशमा रहेका नेपालीसँग पुँजीका साथै उच्च ज्ञान र सीपसमेत रहेकाले त्यसलाई नेपालको समृद्धिमा लगाउनुपर्नेमा जोड दिइन् ।