टर्कीको विद्यालयबाहिर गोली चल्दा पाँच घाइते

टर्की । पश्चिमी टर्कीको मनिसा प्रान्तमा मङ्गलबार एक उच्च विद्यालयबाहिर बन्दुकधारीले गोली चलाउँदा विद्यार्थीसहित पाँच जना घाइते भएको स्थानीय सञ्चारमाध्यमले जनाएका छन् । घाइतेमध्ये एक जनाको अवस्था गम्भीर रहेको बताइएको छ ।

स्थानीय समयअनुसार बिहान ८ बजे तुर्गुट्लु जिल्लास्थित विद्यालयबाहिर गोली चलेको निजी टेलिभिजन प्रसारकले जनाएको छ । घटनापछि प्रहरी तथा स्वास्थ्यकर्मीको टोली घटनास्थल पुगेको थियो । अधिकारीहरूले गोली चलाउने संदिग्धको खोजी गरिरहेका छन् भने विद्यालय आसपासको सुरक्षा व्यवस्था कडा पारिएको छ ।