साइबर आक्रमणपछि सेबोनद्वारा छानबिन समिति गठन

काठमाडौं – नेपालको पूँजी बजारमा सोमबार भएको साइबर आक्रमणपछि नेपाल धितोपत्र बोर्ड (सेबोन) ले छानबिन समिति गठन गरेको छ । घटनाबारे नेपाल प्रहरीले समेत अनुसन्धान गरिरहेको जनाइएको छ ।

छानबिन समितिले आक्रमणबाट भएको वास्तविक क्षति, लगानीकर्ताको विवरण चोरी वा परिवर्तन भए–नभएको, प्रणालीमा कस्तो पहुँच कायम गरिएको थियो तथा आक्रमणको उद्देश्य र संलग्न व्यक्तिबारे अध्ययन गर्नेछ ।