भुसुने जंगलमा झण्डै २ कुइन्टल गाँजा

उदयपुर । उदयपुर प्रहरीले जंगलमा लुकाई राखेको १८२ किलो प्रतिबन्धित लागु औषध गाँजा बरामद गरेको छ । उदयपुरको कटारी नगरपालिका– ६ स्थित शिखर सामुदायिक वन र गडमे खोला बिचको भुसुने जंगलबाट लुकाई राखेको अवस्थामा सोमवार राती प्रहरीले १८२ किलो गाँजा बरामद गरेको हो ।

शिखर सामुदायिक वन र गडमे खोला बिचको झाडीमा गाँजा लुकाएर राखिएको भन्ने गोप्य सूचना पाएपछि ईलाका प्रहरी कार्यालय कटारीको टोलीले खोजतलास गरेको थियो । सो क्रममा झाडीमा लुकाइ राखिएका नौ बोरा गाँजा फेला परेको जिल्ला प्रहरी कार्यालय उदयपुरका प्रहरी प्रमुख प्रहरी उपरिक्षक राजन चाँपागाईले जनाएको छ ।